Потребни состојки:
– 50 гр овесни снегулки
– 200 мл млеко (може растително)
– 10 гр кокосово масло
– 30 гр свежи јагоди
– 10 гр суво грозје
– ореви
– природен засладувач по избор (на пр. мед, маџун, стевиа)
– малку сол
Начин на подготовка:
Зовријте го млеко со малку сол, истурете ги овесните снегулки во загреаното млеко и варете ги мешајќи додека не се сварат (времето на варењето е наведено на пакувањето и зависи од степенот на мелење на житарката).
Откако ќе се свари додадете го кокосовото масло во готовата овесна каша, додадете го природиот засладувач, измешајте и ставете ја кашата во чинија.
Посипете со јагоди, суво грозје и ореви.
