Денес сакаме да споделиме многу едноставен и кул рецепт за појадок.
Нежни ароматични круши со цимет, лешници, суво грозје и јаворов сируп се совршено надополнување на вашиот појадок или лесен десерт. Рецептот е исклучително едноставен, но толку пријатен. Запомнете дека секогаш можете да користите јаболка или праски наместо круши, а исто така можете да ги изберете вашите омилени јаткасти плодови.
Состојки:
1 круша
10 гр суво грозје
20 гр лешници
1 лажиче јаворов сируп
цимет по вкус
Рецепт:
Крушата избоцкајте ја неколку пати со вилушка и пресечете ја на половина. Извадете го внатрешниот дел на крушата и ставете госувото грозје и сечканите лешници. Посипете со цимет и јаворов сируп. Ставете ги да се печат.Се печат во рерна на 175°C, 30-35 минути. Се јадат топли.
